இளம் சூப்பர் ஸ்டாரான சிவகார்த்திகேயன் - இயக்குனர்கள் வாழ்த்து மழை

தம்பி ராமையாவின் மகன் உமாபதி கதாநாயகனாக அறிமுகமாகும் படம் ‘அதாகப்பட்டது மகாஜனங்களே’. இந்தப் படத்தை இன்ப சேகர் இயக்கியுள்ளார். நேற்று இந்தப் படத்தின் இசை மற்றும் டிரெய்லர் வெளியீட்டு விழா சென்னையில் நடைபெற்றது.
இமான் இசையில் உருவாகி உள்ள இப்படத்தின் இசை வெளியீட்டு விழாவில் சிவகார்த்திகேயன், கே.எஸ்.ரவிக்குமார், பொன்வண்ணன், பேரரசு, எஸ்.வி.சேகர், ஏ.எல்.விஜய், டி.இமான், பிரபு சாலமன், மனோபாலா, தம்பி ராமையா உள்ளிட்ட பலரும் கலந்து கொண்டனர்.

இவ்விழாவில் கலந்து கொண்ட தயாரிப்பாளர் பி.டி.செல்வகுமார் பேசும் போது, சிவகார்த்திகேயனை ‘இளம் சூப்பர் ஸ்டார்’ என அழைத்தார். இயக்குநர் பேரரசு பேசும் போது, சிவகார்த்திகேயனை ‘மக்கள் ஸ்டார்’ என பாராட்டினார்.

படத்தின் பாடல் மற்றும் டிரெய்லரை வெளியிட்டு நடிகர் சிவகார்த்திகேயன் பேசும் போது, ‘‘பட்டங்கள் எல்லாம் நமக்குத் தேவையில்லை. சாதாரண மனிதனாக இருந்து மக்களை மகிழ்வித்தாலே போதும்’’ என்று பேசினார். ‘அதாகப்பட்டது மகாஜனங்களே’ படம் வருகிற 16-ஆம் தேதி தியேட்டர்களில் வெளியாகவுள்ளது.